نئی دہلی ، 17 مارچ (ایس او نیوز؍آئی این ایس انڈیا) اڑیسہ کے ممبر اسمبلی روشنی چندر بیہرا اتوار کو بی جے پی میں شامل ہو گئے،وہ گزشتہ 20 سال سے کانگریس میں تھے۔مرکزی وزیر دھرمیندر پردھان نے کہا کہ بیہرا کی موجودگی وزیر اعظم نریندر مودی کی قیادت میں اڑیسہ میں تبدیلی لانے میں بی جے پی کی مدد کرے گی۔ہفتہ کو کانگریس چھوڑنے والے اڑیسہ کے ممبر اسمبلی پرکاش چندر بیہرا کٹک کے سالے پور حلقہ کی نمائندگی کرتے ہیں۔بیہرا نے بی جے پی کے پریس کانفرنس کے دوران پارٹی میں شامل ہوتے ہوئے کہاکہ مجھے نریندر مودی کی قیادت پر اعتماد ہے اور میرے علاقے کے نوجوان سرجیکل اسٹرائک کرنے کے حکومت کے فیصلے سے کافی متاثر ہیں۔ انہوں نے کہا کہ کانگریس کی اعلی قیادت ان کو نظر انداز کر رہی تھی اور اس کی وجہ سے ہی انہوں نے پارٹی چھوڑی۔پردھان نے بی جے پی میں بیہرا کا خیر مقدم کرتے ہوئے کہا کہ مودی کی قیادت میں پارٹی کی طرف سے اڑیسہ میں تبدیلی لانے میں بیہرا کے آنے سے مدد ملے گی۔